දෑවැදි දෙන්නට - සුනිල් එදිරිසිංහ | Dawadi dennata - Sunil Edirisinghe - sinhala lyrics


දෑවැදි දෙන්නට රන් මසු පොදි නැති
ගෙදරට බරවුණු බාල නගේ
නුඹ ගෙනියන්නට ගමෙත් කෙනෙක් නැහැ
රටෙත් කෙනෙක් නැහැ බාල නගේ //

විරසක වීලා විරහ අපලයෙන්
නුඹෙ ඉරණම නුඹ ළඟට නොයේ
නිදිබර දෑසයි දැලි ගෑ මූණයි
ලිප මුල්ලේ යෞවනය ගෙවේ

දෑවැදි දෙන්නට රන් මසු පොදි නැති
ගෙදරට බරවුණු බාල නගේ
නුඹ ගෙනියන්නට ගමෙත් කෙනෙක් නැහැ
රටෙත් කෙනෙක් නැහැ බාල නගේ

රන් දම් පැලදිය යුතු ගෙල වටකර
නවගුණ වැල පෝ දිනට බැඳේ
දීගෙක ගියදා නුඹට දැනේවී
තනිකඩ කම කොච්චරද අගේ

දෑවැදි දෙන්නට රන් මසු පොදි නැති
ගෙදරට බරවුණු බාල නගේ
නුඹ ගෙනියන්නට ගමෙත් කෙනෙක් නැහැ
රටෙත් කෙනෙක් නැහැ බාල නගේ


ගායනය - සුනිල් එදිරිසිංහ
සංගීතය - රෝහණ වීරසිංහ
ගී පද - ප්‍රේමකීර්ති ද අල්විස්



වීඩියෝව ගත්තෙ මෙතනින් - Evoke Music

මඟ තොටදී හමු වීලා - මිල්ටන් මල්ලවාරච්චි, ක්ලැරන්ස් විජේවර්ධන | Maga thotadi hamu weela - Milton & Clarance - sinhala lyrics


මඟ තොටදී හමු වීලා හිනැහෙනවා
කුමාරිකාවට මාගෙත් සිත යනවා
කවදා හෝ ඇය මගෙ මෙහෙසිය වෙනවා
එපා කියන්නට ඒවා වරදිනවා
ඒවා වරදිනවා ඒවා වරදිනවා
ඒවා වරදිනවා ඒවා වරදිනවා
විශ්වාසයි නෑ මට වරදින්නේ
ඇගෙ ආදරේ මම දන්නේ

ඔබ දන්නේ නෑ මාගේ මිතුරාණෙනි
රැවටෙන්නේ ඔබ ඇයි මෙසේ
ඇගෙ රුවට ගැලපෙන්නේ මාගේ රුවයි
ඇගෙ සිතට ගැලපෙන්නේ මාගේ සිතයි
ඇය මාව පිළිගන්නවා

මඟ තොටදී හමු වීලා හිනැහෙනවා
කුමාරිකාවට මාගෙත් සිත යනවා
කවදා හෝ ඇය මගෙ මෙහෙසිය වෙනවා
එපා කියන්නට ඒවා වරදිනවා
ඒවා වරදිනවා ඒවා වරදිනවා
ඒවා වරදිනවා ඒවා වරදිනවා
විශ්වාසයි නෑ මට වරදින්නේ
ඇගෙ ආදරේ මම දන්නේ

මුතුවාගේ අකුරින් ලියු කල්පනා
කියවන්නේ බැඳෙනා හදින්
අපි දෙන්න එක වාගෙමයි යාළුවේ
ඇය කවුද අපි දන්නවා
ඇයගේ සිතුම් දන්නවා

මඟ තොටදී හමු වීලා හිනැහෙනවා
කුමාරිකාවට මාගෙත් සිත යනවා
කවදා හෝ ඇය මගෙ මෙහෙසිය වෙනවා
එපා කියන්නට ඒවා වරදිනවා
ඒවා වරදිනවා ඒවා වරදිනවා
ඒවා වරදිනවා ඒවා වරදිනවා
විශ්වාසයි නෑ මට වරදින්නේ
ඇගෙ ආදරේ මම දන්නේ


ගායනය - මිල්ටන් මල්ලවාරච්චි, ක්ලැරන්ස් විජේවර්ධන
සංගීතය, ගී පද - ක්ලැරන්ස් විජේවර්ධන



වීඩියෝව ගත්තෙ මෙතනින් - Ranil Mallawarachchi

රහසයි සොඳුරු ජීවේ - මරියසෙල් ගුණතිලක | Rahasai sonduru jeewe - Mariyaselle Gunthilake - sinhala lyrics




රහසයි සොඳුරු ජීවේ
රහසයි සැනසුමේ
රහසයි කරුණා දයා ගුණේ //

මූහුනේ සිනා රාඳාලා
කරුණා සිතේ රඳා
කාටත් දයාව පාලා
අරුණැල් ලොවක් මවා

රහසයි සොඳුරු ජීවේ
රහසයි සැනසුමේ
රහසයි කරුණා දයා ගුණේ

පළමු දේ ඉවසීමයි
දෙවෙනි දේ කරුණාවයි
තමන් සතු දේ දීමයි
ලැබෙන දේ සැනසීමයි

රහසයි සොඳුරු ජීවේ
රහසයි සැනසුමේ
රහසයි කරුණා දයා ගුණේ //


ගායනය - මරියසෙල් ගුණතිලක
සංගීතය, ගී පද - ක්ලැරන්ස් විජේවර්ධන




වීඩියෝව ගත්තෙ මෙතනින් - CLAND Harmony Lovers


රන්වන් අහස පුරා - අජිත් මුතුකුමාරණ | Ran wan ahasa pura - Ajith Muthukumarana - sinhala lyrics

රන්වන් අහස පුරා
වැහිකළුවර තිබුනා
පෑයු සඳත් එදා
නොපෙනී යන්න ගියා //
රන්වන් අහස පුරා

කුළුදුල් පෙම් හසුනයි
සුවඳැති ලේන්සුවයි
පිදු ආදර සුවඳයි
කඳුලින් සේදෙන්නේ //
මල් පෙති පවා එදා
පරවෙන දිහා බලා
මගේ ඇස් දෙකම හඬයි
කොහොමද වාවන්නේ

රන්වන් අහස පුරා
වැහිකළුවර තිබුනා
පෑයු සඳත් එදා
නොපෙනී යන්න ගියා
රන්වන් අහස පුරා

මට ළංවෙන්න කියා
ඔබ දුන් සුවඳ පවා
අද මට වද දෙනවා
කෙලෙසද ඉවසන්නේ //
හමනා සුළඟ පවා
ඔබ හට තුරුළු වෙලා
දුක් සුසුමක් විතරක්
තනියට ඉතිරි වෙලා

රන්වන් අහස පුරා
වැහිකළුවර තිබුනා
පෑයු සඳත් එදා
නොපෙනී යන්න ගියා //
රන්වන් අහස පුරා


ගායනය - අජිත් මුතුකුමාරණ



වීඩියෝව ගත්තෙ මෙතනින් - Sinhala Song

තව එකම එක වරක් - තිලකසිරි රත්නායක | Thawa ekama eka warak - Thilakasiri Rathnayaka - sinhala lyrics


තව එකම එක වරක්
පරදින්න දිනුම දී
දිනවන්නෙමි ඔබ ජීවිතේ පුරා
තව එකම එක වරක්
දිව එන්න මා සොයා
රිදවන්නේ නෑ ජීවිතේ පුරා //

ඔබ දුටුව මුල්ම ඒ දිනේ
හද බැඳුනු තුරුණු මා සෙනේ
බිඳලන්න බෑ මා ප්‍රියේ කිසිදා
ඒ නිසයි හදේ වේදනා

තව එකම එක වරක්
පරදින්න දිනුම දී
දිනවන්නෙමි ඔබ ජීවිතේ පුරා
තව එකම එක වරක්
දිව එන්න මා සොයා
රිදවන්නේ නෑ ජීවිතේ පුරා

ආවද වෙන්ව මා ගතින්
සමුගන්න බෑ සෙනේ සිතින්
සිඳලන්න වේදනා මහදේ
ඔබටයි මගේ ආදරේ

තව එකම එක වරක්
පරදින්න දිනුම දී
දිනවන්නෙමි ඔබ ජීවිතේ පුරා
තව එකම එක වරක්
දිව එන්න මා සොයා
රිදවන්නේ නෑ ජීවිතේ පුරා

රිදවන්නේ නෑ ජීවිතේ පුරා //


ගායනය - තිලකසිරි රත්නායක




වීඩියෝව ගත්තෙ මෙතනින් - Suneth Prasanna

කෝකිලයන්ගේ කෝකිල නාදේ - සුනිල් සාන්ත | Kokilayange kokila nade - Sunil Santha - sinhala lyrics


කෝකිලයන්ගේ කෝකිල නාදේ
කෝකිලයන්ගේ කෝකිල නාදේ
හීන හඬින් හීන වගේ එයි නැඟී

ජාති ජාති මලින් සුවඳ උරා බී
වටින් පිටින් සිසිල් සුළං හමන්නේ
සාමදාන සැඳෑ සුවක් ඇදෙන්නේ
අන්න අන්න ඉරත් මූදෙ ගිලෙන්නේ
මගේ කුමාරී ආල තොටිල්ලේ
පැදෙමු නිදැල්ලේ

කෝකිලයන්ගේ කෝකිල නාදේ
කෝකිලයන්ගේ කෝකිල නාදේ
හීන හඬින් හීන වගේ එයි නැඟී

සුදෝ සුදෝ අන්න හඳත් එබෙන්නේ
සාදු සාදු ඔබේ දෙසයි බලන්නේ
එපා එපා සඳේ නිකම් තැවෙන්නේ
ඇයිද මගේ සුදා මටයි ආදරේ
අන්න දෙව්ලියෝ අපේ පෙම් බලා
ගීත ගයන්නෝ

කෝකිලයන්ගේ කෝකිල නාදේ
කෝකිලයන්ගේ කෝකිල නාදේ
හීන හඬින් හීන වගේ එයි නැඟී

සමන් මලක් නෙලා මගේ බිසෝගේ
හිසේ ගසම් අන්න මගේ විනෝදේ
එන්න අනේ එන්න මගේ කුමාරී
සාදු කියා හාදු දෙකක් දෙම් සිරී
මගේ කිරිල්ලි හඬින් සුමිහිරි
ගයන් අමා ගී

කෝකිලයන්ගේ කෝකිල නාදේ
කෝකිලයන්ගේ කෝකිල නාදේ
හීන හඬින් හීන වගේ එයි නැඟී

බෝම ඇතත් සුදෝ මැණික් සාගරේ
ඔබයි මගේ මැණික මගේ ආදරේ
ඉතිං එපා සැකක් මගේ සුන්දරී
මෙලෝ එලෝ ඔබයි මගේ පෙම්බරී
මගේ අසෝකා මගේ විසාකා
මගේ මල්ලිකා

කෝකිලයන්ගේ කෝකිල නාදේ
කෝකිලයන්ගේ කෝකිල නාදේ
හීන හඬින් හීන වගේ එයි නැඟී
හීන හඬින් හීන වගේ එයි නැඟී


ගායනය, සංගීතය - සුනිල් සාන්ත
ගී පද - හියුබත් දිසානායක
පසුව ගායනය - අයිවෝ ඩෙනිස්




වීඩියෝව ගත්තෙ මෙතනින් - Ruchira Bandara



වීඩියෝව ගත්තෙ මෙතනින් - TV Derana


මේ නගරය - මර්වින් පෙරේරා | Me nagaraya - Mervin Perera - sinhala lyrics

මේ නගරය මා ඔබ මුණ ගැසුණු නගරයයි
මේ නගරය මා ඔබ වෙන් කෙරුණු නගරයයි //

ගං ඉවුරේ දිය රැළ පෙරසේම බිඳෙනවා
නුග ගස් පෙළ අප නැතුවත් තව දළු ලනවා
සරසවි බිම කඳු රැල්ලෙන් එතෙර පෙනෙනවා
ඔබත් එක්ක ආයෙත් එහි යන්න හිතෙනවා

මේ නගරය මා ඔබ මුණ ගැසුණු නගරයයි
මේ නගරය මා ඔබ වෙන් කෙරුණු නගරයයි

ඔබ අත ගෙන ගිය වීදියෙ ඈ හා යනවා
සිඟිති පුතා අතැඟිල්ලක එල්ලී එනවා
ඒ කාලේ පැතූ පැතුම් යළි සිහිවෙනවා
ජිවිතයම හීනයකැයි කියා හිතෙනවා

මේ නගරය මා ඔබ මුණ ගැසුණු නගරයයි
මේ නගරය මා ඔබ වෙන් කෙරුණු නගරයයි


ගායනය, සංගීතය - මර්වින් පෙරේරා
ගී පද - ප්‍රේමකීර්ති ද අල්විස්




වීඩියෝව ගත්තෙ මෙතනින් - RohanWickrama
Related Posts Plugin for WordPress, Blogger...