මතු පෙම් පුරන - බාචි සුසාන්, ඉන්දිකා උපමාලි | Mathu Pem Purana - Bachi Susan, Indika Upamali - sinhala lyrics


මතු පෙම් පුරන - නෙතු කැල්මන් සලන
ඉඟි සිත්තම් කරන ලෙසිනා..
නිසසල නිල් විලක - මෘදු පියුමක් විලස
හදවත් සුව දෙනා..

ලං ලං වේ..ද - වෙන් වෙන් වේ..ද
පෙම් සිත් පෑරිලා..
සංසාරේම අත්වේ..ද
පෙම් සිත් වෑ..හිලා

අප සිත් දවන - හද ගැස්මන් හැ‍‍ඟෙන
දුර යන්නයි පැතුම් පෙමිනා..
ලද හිස් කමට දුක කැන්දන් පොවන
වෙන කවුරුන් හඳුනනා..

නෙතු කඳුළු බිඳක සුසුම් විමසනා..
මෘදු කොපුල් සිඹින සියුම් හැඟුමිනා..
සිත බිඳක් නිවන වදන් පතමිනා..
අපි උතුම් පෙමක පැතුම් පිබිඳිනා...

මතු පෙම් පුරන...

කඳු මුදුන් පිසින පවන් විලසිනා..
හද හැඟුම් වලද පැතුම් ගැවසෙනා..
තරු නෙතක් මවන දසුන් සුවදෙනා..
සිත පෙමින් වෙලෙන තරම් නොදනිනා..

මතු පෙම් පුරන - නෙතු කැල්මන් සලන
ඉඟි සිත්තම් කරන ලෙසිනා..
නිසසල නිල් විලක - මෘදු පියුමක් විලස
හදවත් සුව දෙනා..
හද සොයමි සොඳුරු නවාතැනක් අපට පෑහෙනා...//

ගායනය : බාචි සුසාන්, ඉන්දිකා උපමාලි
පද රචනය : ෂෙහාන් ගලහිටියාව
සංගීතය : රංග දසනායක

උපුලී“ ටෙලිනාට්‍යයේ තේමා ගීතය


වීඩියෝව ගත්තෙ මෙතනින් - Chaturanga Magage

නෙතේ කඳුළු පිස දමන්න - සුනිල් එදිරිසිංහ ‍| Nethe kandulu pisa damanna - Sunil Edirisinghe - sinhala lyrics

නෙතේ කඳුළු පිස දමන්න ඇඟිලි තුඩු අගින්
සරා සඳට සිනාසෙන්න සතුට පිරි හදින්
වසන්තයට අඬගසන්න ඔබේ කට හඬින්
දුරින් ඉඳන් බලා ඉන්න ඔබේ නෙතු අගින්

තරු පහන් නිවා දමන්න එළිය දී ඇසින්
අන්ධකාරයෙන් එබෙන්න පුන් සඳක් ලෙසින් //

නෙතේ කඳුළු පිස දමන්න ඇඟිලි තුඩු අගින්
සරා සඳට සිනාසෙන්න සතුට පිරි හදින්
වසන්තයට අඬගසන්න ඔබේ කට හඬින්
දුරින් ඉඳන් බලා ඉන්න ඔබේ නෙතු අගින්

සදා මෙලෙස බලා ඉන්න මහද කවුළුවෙන්
දිවා රැයේ ගලා එන්න සිහිනයක් ලෙසින් //

නෙතේ කඳුළු පිස දමන්න ඇඟිලි තුඩු අගින්
සරා සඳට සිනාසෙන්න සතුට පිරි හදින්
වසන්තයට අඬගසන්න ඔබේ කට හඬින්
දුරින් ඉඳන් බලා ඉන්න ඔබේ නෙතු අගින්


ගායනය - සුනිල් එදිරිසිංහ
සංගීතය - රෝහණ වීරසිංහ
ගී පද - කුමාරදාස සපුතන්ත්‍රී




වීඩියෝව ගත්තෙ මෙතනින් - SunilEdirisingheMP3


හීන වලට පණක් - සේනක බටගොඩ, සෙරීනා වීනස් බටගොඩ | Heena walata panak - Senaka Batagoda, Serena Venus - sinhala lyrics


හැමදේම ටිකෙන් ටික
වෙනස් වෙලා වසන්තයට
අලුත් අලුත් හීන මැවෙනවා
මග බලා සිටිය දේවල්
මතු වෙලා ළඟට එන්නට
හීන වලට පණක් තියෙනවා

ගෙවිලා ගිය දේවල්
ඉදිරියෙ වෙන දේවල්
වෙනසක් නැහැ සිදු වේ
ආගිය මග යා යුතු තැන
දන්නෙ තමා ම යි
නිදහසේ නිමක් නැතිව
සිතුවිලි ගඟ ගලා යද්දි
පෙර නුදුටුව හීන මැවෙනවා

සුල මුල හෑම දේම
හිත් වල තෙරපුණාම
යා යුතු ගමනෙ දුර දුරයි
කරනා දේවල් හරියට වේ නම්
වසන්තය එයයි

හැමදේම ටිකෙන් ටිකට
වෙනස් වෙලා වසන්තයට
අලුත් අලුත් හීන මැවෙනවා
මග බලා සිටිය දේවල්
මතු වෙලා ළඟට එන්නට
හීන වලට පණක් තියෙනවා

හීන වලට පණක් තියෙනවා //

ගායනය - සේනක බටගොඩ, සෙරීනා වීනස් බටගොඩ
සංගීතය, ගී පද - සේනක බටගොඩ



වීඩියෝව ගත්තෙ මෙතනින් - Thala. Lk


නුඹ නාඬන් සුදු - ජොලි සීයා (චන්දු ද සිල්වා) ‍| Nuba nadan sudu - Joli Seeya (Chandu De Silva) - sinhala lyrics


නුඹ නාඬන් සුදු මම දැන් ඩීසොන්
මීට පස්සෙ මම බොන්නෙ නැතෝ
නෙයියාඩං ටිකක් කෙරුවට කෝලං
මීට පස්සෙ වද දෙන්නෑ //

අඬලා දොඩලා පොළවේ හැපිලා
රැව්වට ගෝරි දමා
සුදෝ මම රැව්වට ගෝරි දමා
නොදොඩා නොතලා නුඹ තනි කොරලා
යන්නේ නෑ නේද දමා
එ සුදෝ යන්නෙ නෑ නේද දමා

නුඹ නාඬන් සුදු මම දැන් ඩීසොන්
මීට පස්සෙ මම බොන්නෙ නෑ
නෙයියාඩං ටිකක් කෙරුවට කෝලං
මීට පස්සෙ වද දෙන්නෑ

කසිප්පු බීමත් මට දැන් තහනං
බොන්නෙ නෑ විස පානේ
සුදෝ මම බොන්නෙ නෑ විස පානේ
උත්සහ කොරලා මම හොඳ වෙන්නම්
ඇහුණද සුදු නෝනේ
ඔයාට ඇහුණද මගෙ මැණිකේ

නුඹ නාඬන් සුදු මම දැන් ඩීසොන්
මීට පස්සෙ මම බොන්නෙ නැතෝ
නෙයියාඩං ටිකක් කෙරුවට කෝලං
මීට පස්සෙ වද දෙන්නෑ //

මීට පස්සෙ මම බොන්නෙ නෑ
මීට පස්සෙ වද දෙන්නෑ ///


ගායනය - ජොලි සීයා (චන්දු ද සිල්වා)




වීඩියෝව ගත්තෙ මෙතනින් - Evoke Music

දවසක් තියේවී - මිල්ටන් මල්ලවාරච්චි ‍| Dawasak Thiyewi - Milton Mallawarachchi - sinhala lyrics

දවසක් තියේවී වෙන්වුණු ඔබ මා
නැවතත් මුණගැසෙනා
කඳුලක් තියෙවී මා ළඟ එදිනේ
ඔබේ නමින් ගලනා

නටුවෙන් කඩලා මල විසිකළ විලසේ
වරදක් නැතත් මට ඔබ පිටුපෑ දවසේ
වල්මත් වුණා මා අසරණ පෙම් පියසේ
මට තාම නොදැනේ මොනවා වුණාදෝ
අප දෙදෙනාට ප්‍රියේ

දවසක් තියේවී වෙන්වුණු ඔබ මා
නැවතත් මුණගැසෙනා
කඳුලක් තියෙවී මා ළඟ එදිනේ
ඔබේ නමින් ගලනා

හිනැහෙනවා ඔබ මා හඬනා දවසේ
නැළවෙනවා ඔබ ඔහු හා රස පහසේ
ඔබටත් ලබාවී දවසක් මට වාගේ
මට තම නොදැනේ මොනවා වුණාදෝ
අප දෙදෙනාට ප්‍රියේ

දවසක් තියේවී වෙන්වුණු ඔබ මා
නැවතත් මුණගැසෙනා
කඳුලක් තියෙවී මා ළඟ එදිනේ
ඔබේ නමින් ගලනා


ගායනය - මිල්ටන් මල්ලවාරච්චි
සංගීතය - ස්ටැන්ලි පිරිස්
ගී පද - අජන්තා රණසිංහ




වීඩියෝව ගත්තෙ මෙතනින් - Indiketi Hewage Rohan Indika


සඳ මෝරා උඩු ගුවනට - මාලිනී බුලත්සිංහල | Sanda mora uduguwanata - Malini Bulathsinhala - sinhala lyrics

සඳ මෝරා උඩු ගුවනට
එන කලට
ඔබේ රුව පෙනෙනවා
කවුළුව තුලින් මට

ඉකිලන හදින් තනි යහනේ
ඉන්න විට
හැමටම වඩා මා ගැන
දුක හිතෙයි මට

පහන් දොරින් හිරු
එබිකම් කරන සඳ
මා අසලින් නුඹ
නැතුවා දුකකි

සීතල නිය තුඩින්
මා ගත රිදෙන සඳ
ඔබෙ මුදු පහස මට
නැතුවා දුකකි

ගායනය - මාලිනී බුලත්සිංහල
සංගීතය - කාලෝ විජේසිරි
ගී පද - තිස්ස අබේසේකර


“වත්සලා අක්කා“ චිත්‍රපටියෙන්




වීඩියෝව ගත්තෙ මෙතනින් - LankaMusicTube



වලාකුලක් මෙන් ඇතට පාවුණ - ජී.එස්.බී. රාණි පෙරේරා ‍| Walakulak men - GSB Rani Perera - sinhala lyrics

වලාකුලක් මෙන් ඇතට පාවුණ නිම් නැති අඹර දිගේ
පිහා‍ටුවක් ලෙස ගිලිහී විසුරුණු පියඹන කවුඩකුගේ
නැගී බිඳුණ රළ වරළස වාගේ බොර වී ගලන ග‍ඟේ
ඔබේ සිතින් මා සදහට අමතක කරළනු මැනවි ප්‍රියේ
අමතක කරළනු මැනවි ප්‍රියේ
වලාකුලක් මෙන් ඇතට පාවුණ නිම් නැති අඹර දිගේ

කැලෑ මලක් ලෙස දෙපයට පෑගුණ ගොරහැඩි මිනිසකුගේ
කුණා‍ටුවක් වී වියරුව විසිරී පැන ගිය වනය දිගේ
හිඟා කකා ඔය ගෙමිදුල වෙත ආ යාචක ළඳක වගේ
ඔබේ සිතින් මා සදහට අමතක කරළනු මැනවි ප්‍රියේ
අමතක කරළනු මැනවි ප්‍රියේ
වලාකුලක් මෙන් ඇතට පාවුණ නිම් නැති අඹර දිගේ

රන් මිණි දද බැඳි සුවිසල් මැදුරුද පොළවට සමවෙන්නේ
ගුම් හඬ දීගෙන දිව යන දිය ‍රැළි වැලි මත වියැලෙන්නේ
සිතන දෙයම නොව නොසිතන දෙය වන ලොවකය අපි ඉන්නේ
ඔබේ සිතින් මා සදහට අමතක කරළනු මැනවි ප්‍රියේ
අමතක කරළනු මැනවි ප්‍රියේ

වලාකුලක් මෙන් ඇතට පාවුණ නිම් නැති අඹර දිගේ
පිහා‍ටුවක් ලෙස ගිලිහී විසුරුණු පියඹන කවුඩකුගේ
නැගී බිඳුණ රළ වරළස වාගේ බොර වී ගලන ග‍ඟේ
ඔබේ සිතින් මා සදහට අමතක කරළනු මැනවි ප්‍රියේ
අමතක කරළනු මැනවි ප්‍රියේ
වලාකුලක් මෙන් ඇතට පාවුණ නිම් නැති අඹර දිගේ


ගායනය - ජී.එස්.බී. රාණි පෙරේරා
සංගීතය - එම්.කේ. රොක්සාමි
ගී පද - කරුණාරත්න අබේසේකර
‘මහ රෑ හමු වූ ස්ත්‍රිය‘ චිත්‍රපටියෙන්




වීඩියෝව ගත්තෙ මෙතනින් - Nimal Bonifus

මේ අනුවාදයත් අහන්න

Ma Nowana Mama with Indika Upamali - TV derana



මුදු සඳ රැස් - කිත්සිරි ජයසේකර | Mudu sanda res - Kithsiri Jayasekara - sinhala lyrics

මුදු සඳ රැස් උරණ වේවී
පැටික්කියේ... පැටික්කියේ
විතක්කනේ වෙල පෙති ගෙන
ලවන්නියේ... ලවන්නියේ
නිල් අඳුන් ගෑ ඇස කඳුලැල්
සලන්නියේ... සලන්නියේ
හිත පැල්ලම් මකන්ට බෑ
සුසුම් තියේ... සුසුම් තියේ

තුනු අග සිරි දැක ඇලුම් පාන
බඹර වියේ... බඹර වියේ
සිකි පිල් වැදී රැඟුම් දෑස
නුහුරු ලියේ... නුහුරු ලියේ

ගගනත තරු හා රැඟුම් පාන
කෞමදියේ... කෞමදියේ
ලිය කෙමියක් සේ පූදින සෙනෙහස
යාද සිතේ... යාද සිතේ

මුදු සඳ රැස් උරණ වේවී
පැටික්කියේ... පැටික්කියේ
විතක්කනේ වෙල පෙති ගෙන
ලවන්නියේ... ලවන්නියේ
නිල් අඳුන් ගෑ ඇස කඳුලැල්
සලන්නියේ... සලන්නියේ
හිත පැල්ලම් මකන්ට බෑ
සුසුම් තියේ... සුසුම් තියේ



ගායනය - කිත්සිරි ජයසේකර
සංගීතය - නදීක ගුරුගේ
ගී පද - චාමින්ද රත්නසූරිය

මේ ගීතයේ ඇතැම් වචන නිෂ්චය කරගැනීමට ඔබේ සහය දෙන්න


වීඩියෝව ගත්තෙ මෙතනින් - Music.lk - Audio

හිම වැස්ස - කුෂාණි සඳරේඛා | Hima wessa - Kushani Sandarekha - sinhala lyrics

සරදාකාස උයනට
හිම වැස්ස වැටෙන හැන්දෑවක
ලෙල සියසේ ඔබේ දෑසට එබී

නටන්න ෆ්ලෙමින්ගෝ නැටුමක්
මා මත් වන තුරා
වයන්න ගිටාරය ඔබේ
උමතුවෙන්
ඇඟිලි තුඩු පුපුරු ගසන තුරා

වසත් මද අවුස්සා මිටින් යන ලිස්සා
මුදු මද සුළඟ සේ
දිව දුහුල් සළුව විසුරුවා
ඔලිව් ගස් පාමුල තැනි බිමේ

නටන්න ෆ්ලෙමින්ගෝ නැටුමක්
මා මත් වන තුරා
වයන්න ගිටාරය ඔබේ
උමතුවෙන්
ඇඟිලි තුඩු පුපුරු ගසන තුරා //


ගායනය - කුෂාණි සඳරේඛා
සංගීතය - නදීක ගුරුගේ
ගී පද - චාමින්ද රත්නසූරිය


මේ ගීතයේ ඇතැම් වචන නිෂ්චය කරගන්න ඔබේ සහය දෙන්න



වීඩියෝව ගත්තෙ මෙතනින් - shower

හිමි නැති සෙනෙහේ - අසංක ප්‍රියමන්ත පීරිස් ‍| Himi nathi senehe - Asanka Priyamantha Peiris - sinhala lyrics

හිමි නැති සෙනෙහේ හදවත රන්දා
මට දුක දැනුණා ඔබ සිහිවීලා
මසිතේ පුරා සතපා ඔයා
නොලැබේ කියා සිතුණා
හිමි නැති සෙනෙහේ හදවත රන්දා

අතැඟිලි නොබැඳී සිත් අප එක් වී
මියෙන තුරා ළං වී හිඳිමු
නොදැනී කවුරුත් හදවත සංකා
ඔබ වෙනුවෙන් මා රැකගෙන තිබුණු
ඔබ වෙනුවෙන් මා රැකගෙන තිබුණු

හිමි නැති සෙනෙහේ හදවත රන්දා
මට දුක දැනුණා ඔබ සිහිවීලා
මසිතේ පුරා සතපා ඔයා
නොලැබේ කියා සිතුණා
හිමි නැති සෙනෙහේ හදවත රන්දා

ඉරණම විසඳී යළි අප හමු වී
දවසක් ඒවී ඔබ මගෙ වී
ඔබගේ සතුටයි මට නම් ඕනේ
ඒ ටික ඇති මියැදෙන්න කලින්
ඒ ටික ඇති මියැදෙන්න කලින්

හිමි නැති සෙනෙහේ හදවත රන්දා
මට දුක දැනුණා ඔබ සිහිවීලා
මසිතේ පුරා සතපා ඔයා
නොලැබේ කියා සිතුණා
හිමි නැති සෙනෙහේ හදවත රන්දා



ගායනය - අසංක ප්‍රියමන්ත පීරිස්
සංගීතය - දුලිප් මිරැන්ඩෝ
ගී පද - සත්සර කසුන් පතිරණ




වීඩියෝව ගත්තෙ මෙතනින් - Evoke Music

සඳ බොඳ වී යන විටදී - අජිත් පෙරේරා ‍| Sanda bonda wee yana witadi - Ajith Perera - sinhala lyrics

සඳ බොඳ වී යන විටදී
හැඬුවා ආකාසේ
ඔබ සිහි වී කඳුළු රැඳී
තිබුණා මගෙ දෑසේ
පසුතැවෙනා සිත මාගේ
වාවන්නද කෙලෙසේ

ආත්මයෙන් ආත්මයේ
ඔබේ ළඟින් රැඳෙන්නෙමී
රකිමි ආදරෙන්
මාගේ පණ වගේ
පැතුමන් පතන්නෙමී //

සඳ බොඳ වී යන විටදී
හැඬුවා ආකාසේ
ඔබ සිහි වී කඳුළු රැඳී
තිබුණා මගෙ දෑසේ
පසුතැවෙනා සිත මාගේ
වාවන්නද කෙලෙසේ

සාගරේ තරම් කියූ
විශාල වූ ආදරේ
බිඳුණි මා ඔබේ
සිතේ හැඟුම් ගැන ළඳේ
හඳුනා නොගත් නිසා //

සඳ බොඳ වී යන විටදී
හැඬුවා ආකාසේ
ඔබ සිහි වී කඳුළු රැඳී
තිබුණා මගෙ දෑසේ
පසුතැවෙනා සිත මාගේ
වාවන්නද කෙලෙසේ //



ගායනය, සංගීතය - අජිත් පෙරේරා



වීඩියෝව ගත්තෙ මෙතනින් - coolthili

සෙනෙහේ බැඳී එදා - රූකාන්ත ගුණතිලක | Senehe bandi eda - Rookantha Goonathilaka - sinhala lyrics

සෙනෙහේ බැඳී එදා
සැනසුම් සුවේ පතා
අප ළංවෙලා උන් නිසා
ලෝකයේ බෝ දෙනා
කී කතා ඇසේ
සෙනෙහේ බැඳී එදා
සැනසුම් සුවේ පතා

දිවිය ඔබේ කැළඹෙන දා
කඳුළු සලා වැළපෙන දා
එළිය මැකී තනිවන දා
ළඟම ඇතේ ඔබගෙ ලොවේ

සෙනෙහේ බැඳී එදා
සැනසුම් සුවේ පතා
අප ළංවෙලා උන් නිසා
ලෝකයේ බෝ දෙනා
කී කතා ඇසේ
සෙනෙහේ බැඳී එදා
සැනසුම් සුවේ පතා

කඳුළු සලා නයන දැලේ
රැඳෙනු එපා සිහින වැලේ
කඳුළු නොයේ නෙතට මගේ
බඹරු නැතේ සසල වුණේ

සෙනෙහේ බැඳී එදා
සැනසුම් සුවේ පතා
අප ළංවෙලා උන් නිසා
ලෝකයේ බෝ දෙනා
කී කතා ඇසේ
සෙනෙහේ බැඳී එදා
සැනසුම් සුවේ පතා


ගායනය, සංගීතය - රූකාන්ත ගුණතිලක
ගී පද - කේ. ඩී. කේ. ධර්මවර්ධන




වීඩියෝව ගත්තෙ මෙතනින් - rookalekha


Related Posts Plugin for WordPress, Blogger...